ನಮ್ಬಿದನಲ್ಲೇ ಗೆಳತಿ! ಆ ನಿನ್ನ ಆತ್ಮೀಯ ನುಡಿ
ಪ್ರೀತಿಯ ನೋಟ ,ಒಲುಮೆಯ ಕೆಲದಿನಗಳ ಸಖ್ಯ ,
ಥಳಥಳನೆ ಹೊಳೆವ ಮೊಗದಲ್ಲಿನ ಸ್ವಚ್ಚ
ನೀಲಿಬಾನಿನಂದದ ಮುಗ್ಧನಗುವ ಕಂಡಾಗ !
ಗೌರವಿಸಿದನಲ್ಲೇ ಗೆಳತಿ !ಕುಂಕುಮ ಸೌಭಾಗ್ಯವತಿಯೆಂದು
ಕೊರಳೇರಿಸಿದ ತಾಳಿ ,ಮೈಪೂರ ಗಮ್ಭೀರಡಿ ಹೊದ್ದ ಸೆರಗು ,
ಲಲಾಟಡಿ ಹೊಳೆವ ಸಿಂಧೂರ , ಮನದ ಉತ್ಸಾಹ ಹುರುಪು
ಜೀವಂತಿಕೆಗೆ ನಾ ತಲೆ ಬಾಗಿಸಿದಾಗ !
ಛೆ................... ಛೆ.......................... ಛೆ................ ನೋವಾಯಿತಲ್ಲೇ
ತುಂಬು ಹುನ್ನಿಮೆತ ಕ್ಷೀರೋದ್ಭವ ಸೋಮನ ರಕ್ಕಸ ನುಂಗಿದಂತೆ ,
ರಾಶಿ ರಾಶಿ ತಾರೆಗಳು ಒಮ್ಮೆಗೇ ಕತ್ತರಿಸಿ
ಧರೆಗುರುಲಿದಂತೆ ನೀ ಎನ್ನ ವಿಶ್ವಾಸಕ್ಕೆ ತಣ್ನೀರೆರಚಿದಾಗ !
ದಿಕ್ಕಪಾಲಾಯಿತಲ್ಲೇ ನಿನ್ನ ಬಗೆಗಿನ ಗೌರವ ಕಂಡ
ವಿಶಾಲ ಕಡಲು ಕ್ಷಣ ಮಾತ್ರದಲ್ಲೇ ಆಪೋಶನೆಯಾದಂತೆ,
ರೆಪ್ಪೆಯ ಒಂದೇ ಬಡಿತದಲ್ಲೇ ನೀ
ಎನ್ನ ಹಣ ಕದ್ದೆಯೆಂದು ಧೃಡ ಪಟ್ಟಾಗ!
ಗೆಳತಿ ತಿಳಿಯಿತೀಗ ನೀನೊಂದು ಹತ್ತಿಯ ಹಣ್ಣು .
ಹೊರಗೆ ಥಳುಕು ಒಳಗೆ ಹುಳುಕು !ನಮ್ಮ ಸ್ನೇಹ ಬಂಧನಕ್ಕೆ
ವಿಷದಾರವ ನಗು ನಗುತ್ತಲೇ ಕಟ್ಟಿ ನಿನ್ನ ವಂಚನೆ ,
ದೋಚುವಾಟಕ್ಕೆ ಈ ಸ್ನೇಹವ ಅದವಿತ್ತೆಯಲ್ಲೇ
ನೀ ಮೋಸದ ಗೆಳತಿ !!!
No comments:
Post a Comment