ಸುಲಭವಲ್ಲ ಕಳೆದುಕೊಳ್ಳುವುದು !

ಕಳೆದುಕೊಳ್ಳುವುದೆಂದರೆ ಸುಲಭವಲ್ಲ

ಪ್ರೀತಿಯಾಗಲಿ ,ವಸ್ತುವಾಗಲಿ ಬಲು ನಿಷ್ಟುರವದು .

ಕಳೆದುಕೊಳ್ಳುವುದೆಂದರೆ ಅದು ತೊಟ್ಟಿಲ

ಕಂದ ರೆಪ್ಪೆಯ ಒಂದೇ ಬಡಿತದಲಿ ಮಾಯವಾದಂತೆ ,

ಬಾಯಾರಿ ದಣಿದು ಹುಡುಕಿ ಹುಡುಕಿ ಕೆರೆಗಿಳಿದು

ಬೊಗಸೆಗಳಲಿ ತುಂಬಿಸಿದ ಜೀವ ಜಲ ಬತ್ತಿದಂತೆ .

ಕಳೆದುಕೊಳ್ಳುವುದೆಂದರೆ ಕಂಡ ವಿಶಾಲ ಕಡಲು ಕ್ಷಣ

ಮಾತ್ರದಲೇ ಆಕಾಶನಪ್ಪಿ ಕಾಣದ ಕಡಲಾದಂತೆ

ಹೃದಯ ತಂತಿಯ ಜಗ್ಗಿ ಎಳೆದು ಭಾವಗಳ ಸೀಳಿ

ಪುರಪುರನೆ ಉರಿವ ಖಾರದ ಪುಡಿಯ ಒಳಗೆ ತುರುಕಿದಂತೆ .